အာဏာသိမ်းမှုအလွန် လက်နက်ကိုင်ပဋိပက္ခများအတွင်း အရပ်သားများအပေါ် ကျူးလွန်ခဲ့သည့် အစုလိုက်အပြုံလိုက် သတ်ဖြတ်မှု ဖြစ်စဉ်ပေါင်း ၅၇ ခုထက်မနည်း ရှိခဲ့ပြီး အရပ်သား ၁,၂၂၄ ဦးထက်မနည်း သေဆုံးခဲ့ရသည်။

နိုင်ငံအနှံ့ မြို့နယ်ပေါင်း ၂၃၃ ခုထက်မနည်းတွင် တိုက်ပွဲပေါင်း ၁၄,၄၅၇ ထက်မနည်း ဖြစ်ပွားခဲ့ပြီး မြို့ပေါင်း ၇၄ မြို့ကို တိုင်းရင်းသားလက်နက်ကိုင်တပ်ဖွဲ့များနှင့် ဒေသခံကာကွယ်ရေးပူးပေါင်းတပ်ဖွဲ့များဘက်က သိမ်းယူနိုင်ခဲ့ကြသည်။

အရှေ့ မြောက်တိုင်းစစ်ဌာနချုပ်အတွင်းမှ မြို့ပေါင်း ၁၉ မြို့ကို တိုင်းရင်းသားလက်နက်ကိုင်ပူးပေါင်းတပ်ဖွဲ့များက ထိန်းချုပ်ထားပြီး စစ်ဌာနချုပ်ကိုပါ သိမ်းယူထားသည်။

နိုင်ငံအနှံ့ မြို့နယ်ပေါင်း ၃၃၀ ရှိသည့်အနက် အာဏာသိမ်းမှုအလွန် သုံးနှစ်ကျော်ကာလအတွင်း မြို့နယ်ပေါင်း ၂၃၃ ခုထက်မနည်း (၇၀ ရာခိုင်နှုန်းကျော်) တွင် တိုက်ပွဲပေါင်း ၁၄,၃၇၄ ကြိမ်ထက်မနည်း ဖြစ်ပွားခဲ့သည်။