‘စစ်ဆင်ရေး ၁၀၂၇’ နောက်ပိုင်း တိုင်းရင်းသားလက်နက်ကိုင်တပ်ဖွဲ့များနှင့် တော်လှန်ရေးအင်အားစုများက မြို့ ၅၃ မြို့ထက်မနည်းကို သိမ်းယူနိုင်ခဲ့သည်။ ယင်းတို့အနက် ၁၇ မြို့(၃၂ ရာခိုင်နှုန်း)မှာ မြန်မာ-တရုတ် နယ်စပ်ခရိုင်များအတွင်းမှ ဖြစ်သည်။

ISP-Myanmar ၏ အချက်အလက်များအရ မြန်မာတနိုင်ငံလုံး၌ တရုတ်နိုင်ငံက အကောင်အထည်ဖော်မည့် စီမံကိန်းပေါင်း ၆၆ ခု ရှိသည်။ စီမံကိန်း ၆၆ ခုအနက် တန်ဖိုးသိရှိရသည့် စီမံကိန်းပေါင်း အခု ၃၀ ရှိသည်။

နယ်စပ်ကုန်သွယ်ရေးစခန်း စုစုပေါင်း ၁၇ ခုရှိသည့်အနက် ခြောက်ခုကို တိုင်းရင်းသားလက်နက်ကိုင်(EAOs)များနှင့် တော်လှန်ရေးအင်အားစုများက ထိန်းချုပ်ထားသည်။

တရုတ်-မြန်မာနယ်စပ်တလျှောက် မူဆယ်၊ လားရှိုး၊ လောက်ကိုင်၊ ပန်ဆန်း၊ မိုင်းပေါက်၊ မိုင်းလား၊ ကျိုင်းတုံ စသည့် မြို့ပေါင်းခုနစ်မြို့၌ ကျားဖြန့်လုပ်ငန်းပေါင်း ၃၅ ခုထက်မနည်း ရှိခဲ့သည်။

ပလောင်ပြည်နယ်လွတ်မြောက်ရေးတပ်ဦး (PSLF/TNLA) က ‘စစ်ဆင်ရေး ၁၀၂၇’ဖြင့် သိမ်းယူထိန်းချုပ်ခဲ့သော နယ်မြေများ၊ ‘စစ်ဆင်ရေး ၁၀၂၇’ မတိုင်မီ TNLA လှုပ်ရှားထိန်းချုပ်ထားသော နယ်မြေများနှင့် မြောက်ပိုင်းမဟာမိတ်အဖွဲ့များနှင့် ရှမ်းပြည်တိုးတက်ရေးပါတီ (SSPP/SSA) တို့က ထိန်းချုပ်စိုးမိုးထားသော နယ်မြေများကို ဖော်ပြထားခြင်းဖြစ်သည်။