စစ်ကောင်စီနှင့် MNDAA အကြား အပစ်ရပ်သဘောတူပြီးနောက် ရှမ်းမြောက်ရှိ ရန်လုံကျိုင်း၊ ချင်းရွှေဟော်နှင့် နမ့်တစ် ဂိတ်သုံးခုကို တရုတ်နိုင်ငံက ပြန်ဖွင့်လိုက်သည်။

မြန်မာနိုင်ငံနှင့် အိမ်နီးချင်းနိုင်ငံများအကြား ကုန်သွယ်နေသော နယ်စပ်ကုန်သွယ်ရေးစခန်း စုစုပေါင်း ၁၇ ခုရှိသည်။ ၎င်းတို့အနက် ခုနစ်ခုကို တိုင်းရင်းသား လက်နက်ကိုင်တပ်ဖွဲ့များ (EAOs) နှင့် တော်လှန်ရေးအင်အားစုများက ထိန်းချုပ်ထားသည်။

‘စစ်ဆင်ရေး ၁၀၂၇’နောက်ပိုင်း တိုင်းရင်းသားလက်နက်ကိုင်တပ်ဖွဲ့များနှင့် တော်လှန်ရေးအင်အားစုများ၏ နယ်မြေထိန်းချုပ်နိုင်မှုပမာဏ ပိုမိုများပြားလာခဲ့သည်။

မြန်မာ-တရုတ်နယ်စပ်တွင် တရားဝင်ကုန်သွယ်ရေးစခန်း ငါးခုရှိသည့်အနက် လေးခုကို တိုင်းရင်းသား လက်နက်ကိုင်အဖွဲ့ (EAOs) များက ထိန်းချုပ်ထားသည်။

မြန်မာ-တရုတ်နယ်စပ်ရှိ နယ်စပ်ဂိတ်ပေါင်း ၁၉ ခုအနက် ခြောက်ခုကို တရုတ်နိုင်ငံက ဆက်ပိတ်ထားသည်။ ထိုဂိတ်များမှာ UWSA ၊ MNDAA နှင့် TNLA တို့ ထိန်းချုပ်ထားသည့် ဂိတ်များဖြစ်သည်။